ಉಜಿರೆ ಎಸ್.ಡಿ.ಎಂ ಆಸ್ಪತ್ರೆಯಲ್ಲಿ ಉಚಿತ ಆರೋಗ್ಯ ತಪಾಸಣಾ ಸಪ್ತಾಹ

ವಿಜಯ ಬ್ಯಾಂಕ್ ಸಹಯೋಗದಲ್ಲಿ ಉಜಿರೆಯಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಆಸ್ಪತ್ರೆ ಯಲ್ಲಿ ಉಚಿತ ಆರೋಗ್ಯ ತಪಾಸಣಾ ಶಿಬಿರವು ನ.30 ರಿಂದ ಡಿ.6 ರವರೆಗೆ ನಡೆಯಿತು.
ನವೆಂಬರ್ 30 ರಂದು ಪೂಜ್ಯ ಡಾ| ಡಿ ವೀರೇಂದ್ರ ಹೆಗ್ಗಡೆಯವರಿಂದ ಉದ್ಘಾಟಣೆಗೊಂಡ ಕಾರ್ಯಕ್ರಮದಲ್ಲಿ ವಿಜಯ ಬ್ಯಾಂಕಿನ ವ್ಯವಸ್ಥಾಪಕ ನಿರ್ದೇಶಕರು ಮತ್ತು ಕಾರ್ಯನಿರ್ವಾಹಣಾಧಿಕಾರಿಯಾಗಿರುವ ಕಿಶೋರ್ ಸಾನ್ಸಿ, ಬೆಂಗಳೂರು, ಮಹಾಪ್ರಬಂಧಕಾರದ ಸತೀಶ್ ಬಲ್ಲಾಳ್ , ಉಪಮಹಾಪ್ರಬಂಧಕರಾದ ಅನಿಲ್.ಕೆ ಶೆಟ್ಟಿ, ಉಜಿರೆ ಶ್ರೀ ಜನಾರ್ದನ ದೇವಸ್ಥಾನದ ಆಡಳಿತ ಮೊಕೇಸ್ತರರಾದ ವಿಜಯರಾಘವ ಪಡವೆಟ್ನಾಯ, ಎಸ್.ಡಿ.ಎಂ.ಎಜ್ಯುಕೇಶನ್ ಸೊಸೈಟಿಯ ಕಾರ್ಯದರ್ಶಿ ಡಾ| ಬಿ.ಯಶೋವರ್ಮ, ಎಸ್.ಡಿ.ಎಂ ಮೆಡಿಕಲ್ ಟ್ರಸ್ಟ್ ಕಾರ್ಯದರ್ಶಿ ಶಿಶುಪಾಲ್ ಪೂವಣಿ, ಎಸ್.ಡಿ.ಎಂ ಆಸ್ಪತ್ರೆಯ ಕಾರ್ಯನಿರ್ವಾಣಾಧಿಕಾರಿ ಎನ್.ಮನ್ಮಥ್ ಕುಮಾರ್, ವಿಜಯ ಬ್ಯಾಂಕಿನ ಉಜಿರೆ ಶಾಖೆಯ ವ್ಯವಸ್ಥಾಪಕರಾದ ಅನಿಲ್ ಕುಮಾರ್, ಧರ್ಮಸ್ಥಳ ಶಾಖೆಯ ವ್ಯವಸ್ಥಾಪಕರಾದ ಪ್ರಸಾದ್ ಉಪಸ್ಥಿತರಿದ್ದರು.
ನವೆಂಬರ್ 30 ರಿಂದ ಡಿಸೆಂಬರ್ 6ರವರೆಗೆ 7 ದಿನಗಳ ಕಾಲ ನಡೆದ ಈ ಉಚಿತ ಆರೋಗ್ಯ ತಪಾಸಣಾ ಶಿಬಿರದಲ್ಲಿ ಎಸ್.ಡಿ.ಎಂ ಆಸ್ಪತ್ರೆಯ ವೈದ್ಯರುಗಳಾದ ಡಾ| ಲೋಕೇಶ್ ಕುಮಾರ್-ಫಿಸಿಷಿಯನ್, ಡಾ| ಸಂದೀಪ್ ಹೆಚ್. ಎಸ್-ಮಕ್ಕಳರೋಗ ತಜ್ಞರು, ಡಾ| ಸ್ವರ್ಣಲತಾ- ಹೆರಿಗೆ ಮತ್ತು ಸ್ರ್ತೀರೋಗ ತಜ್ಞರು, ಡಾ| ಚಂದ್ರಶೇಖರ್ ಚವಾಣ್-ಶಸ್ತ್ರಚಿಕಿತ್ಸಾ ತಜ್ಞರು, ಡಾ| ಶಿವಶಂಕರ್ ಟಿ.ಹೆಚ್-ಮೂಳೆರೋಗ ತಜ್ಞರು, ಡಾ| ರಂಜನ್ ಕುಮಾರ್ ಕಿವಿ ,ಮೂಗು,ಗಂಟಲು ತಜ್ಞರು, ಡಾ| ಕೃಷ್ಣ ವಾಸುದೇವ್-ಫಿಷಿಶಿಯನ್, ಡಾ| ಅನಿಲ್ ಕಾಕುಂಜೆ-ಮನೋರೋಗ ತಜ್ಞರು, ಡಾ| ರಮೇಶ್-ಕಣ್ಣಿನ ತಜ್ಞರು, ಡಾ| ನಿಶ್ಚಿತ್ ಡಿ’ಸೋಜಾ-ಮೂತ್ರರೋಗ ತಜ್ಞರು, ಡಾ| ಮಿಷೆಲ್ ಫೆರ್ನಾಂಡಿಸ್-ಚರ್ಮರೋಗ ತಜ್ಞರು, ಡಾ| ರಶ್ಮಿ ಕುಂದರ್-ರೋಗಶಾಸ್ತ್ರ ತಜ್ಞರು, ಡಾ| ಪ್ರಭಾಶ್ ಕುಮಾರ್, ಡಾ| ಬಾಲಕೃಷ್ಣ ಭಟ್, ಡಾ| ಕಮಲ ಭಟ್ ಇವರು 2000 ಕ್ಕೂ ಮಿಕ್ಕಿದ ಜನರಿಗೆ ರೋಗ ತಪಾಸಣೆ ಮಾಡಿ ಸೂಕ್ತಚಿಕಿತ್ಸೆ ನೀಡಿದರು. ಈ ಶಿಬಿರದಲ್ಲಿ ಔಷಧ, ರಕ್ತಪರೀಕ್ಷೆ, ಎಕ್ಸ್-ರೇ, ಸಿಟಿ ಸ್ಕ್ಯಾನ್ ಮತ್ತು ಸ್ಕ್ಯಾನಿಂಗ್ ಸಂಪೂರ್ಣ ಉಚಿತವಾಗಿತ್ತು.